國米晉級，雖是意料中事，仍然開心到震，因為實在太討厭車仔。對上兩屆，車仔都有全面性機會，前屆泰利斷送冠軍，我不介意，上屆放生巴塞，打多一個仍不思進取，卻令我氣頂到極，由捧車變為反車，由捧希丁克變為相反。上屆若入決賽，以歐聯無衛冕之原則，理應奪冠。

錯失兩屆，球隊冇買人之下漸退化，生死關頭只得廢人joe cole、平庸的卡勞可換，杜奧巴亦一連三年在最後一場歐聯冇表現兼被趕或被罰，垃圾之尤，只能在英超欺菜鳥。希丁克嘛，數月前帶的俄羅斯出局已令我開心到彈起。

國米今場行雲流水，歐聯冠軍雖仍然看淡，但摩連奴功力表露無遺，雖然最後可能與肥安一樣是聯賽與歐冠雙失。米蘭打比前買了十元AC米蘭奪冠，完敗後怒丟彩票，有點後悔。

手上尚有波爾多歐聯、阿仙奴英超、史浩克德甲之冠軍彩票，都是因為夠冷。