.

車路士拋離曼聯時，只小勝保頓一球，到而家可能又要以得失球定冠亞，馬上大數七球。奇在蘋果諸人居然以為史篤城個hhad+2頂得住。我買3.5細，當+4買，一樣死，好彩臨場冇再追細。呢期最好追，當然係波爾多對家，今時今日仲想作客贏真係發夢。

大摩兩駒包辦兩場國際一級賽，完全複製三年前之賽果，不過當年兩駒都係偶像靳能策騎。只九隻馬，大摩只佔兩隻都底出成功，藝高人膽大。賭王d爆乜爆物，香港贏到澳門又贏到香港，旺氣沖天。一於加注澳博880。

看往日世盃，74荷蘭對德國根本佔不到甜頭，落敗合理，雖然口水佬14號至今不服。78阿根廷對荷蘭，恕我知識薄，未聽過此場，原來6定7比0贏波入決賽太出名，我一直以為那場之後是直接奪冠（早年賽制常改也）。既然只是入決賽，仲要加時贏荷蘭至奪冠，何來假波之說？荷蘭又同你假乎？巴西又贏硬荷蘭乎？究其原因，只因7-0「受害者」是巴西，一如98年，港人一見巴西收皮就話係假波。74年決賽咪又係大熱輸給主辦國，唔見有人話假？

贏7-0就係造假，贏唔夠數出局就係你實力唔夠。點都死，鬼叫你唔係巴西。

講開巴西，講多兩句。94年完全是歐陸風格，沒半點森巴味，當日後腰鄧加如今完全移植這套。個人客觀地認為今屆坐亞望冠，主觀不想他們奪冠，因為下屆身為主辦國，冠軍已拿了九成，若今屆也贏，連拿二屆未免太悶。