股市直落直上，步速太難跟進，買put輪周二收市前平掉，也不及定神反手買call，其實買也可以，但心想只敢買少少，不如睇定d。結果大反彈之後只能再等高位造淡。不過持此看法者太多，故反彈未咁快完。941雖跌近「訓身位」，不過自己膽小，暫只買了一手。

現時策略很簡單，18868/16000乃上下區間，行近便put/call，破位止蝕。破高位之後要再行觀察，破低位就大碌，直指萬二。。

白金居然在近期貴金屬的跌市中大落後於黃金，不懂理解這現像，既看不通，全都暫不沾手。

周日買金鐫龍華得手，方駿輝說未見過騎師直路中段已知贏梗四圍望，其實當年我愛駒之一「生圖」首捷，一入直路已左望右望。奈何再出遇著一代千二王順利得勝，都係要輸，之後贏打比是之後的事了。

同晚的維也納愛樂，朋友的朋友之前說可安排傳媒入座，結果原來只能在戶外看大電視，咁誰都可以去啦，當然冇去，不過反正其實興趣不大，省回一千元。