終於得閒寫o野。股市跌到pk，慘，不過犧牲小我，等住睇歐洲班福利主義者及支持福利主義者杏家橙，都咪話唔心涼。民主，就是這麼一回事，要討好、滿足愚蠢的人民，到頭來一鑊熟。

轉眼又四年，到了歐國盃及立會年，歐國盃預期悶不可言，加上最憎李克勤，又冇now，唔睇矣，立會，我是港島選民，據說袁彌明可能出選，我必選，點解？冇得解。

歐聯，三年前車仔四強對巴塞，我對車仔及杜奧巴寄以極厚望，結果後者雖無表現，仍大佔上風，如戰術用好些已肯定晉級，晉級就肯定奪冠。該戰之後變成反車，三年後此人此隊才大反底，遲到總好過冇到，可惜已助巴塞名留青史。

有看比賽都知，車仔絕非靠運，讓你主場兼主力中堅中場都打和，點球施治六撲皆中邊，神級。德國逢射點球必贏，不代表德國球會也必贏，事實上拜仁01年決賽互射點球贏華倫，射得極爛，頭五射只中二或三球，好似是二球。

車仔與意大利人也算有好緣，當年引入蘇拿大放光芒，迪馬提奧、維埃里也表現不俗，今日迪馬提奧更帶領登頂。泰利當年一腳踢走冠軍，今屆於上場被逐，球隊就順風順水，黑星也。八年前雅典奧運，希臘奪歐國盃，今日倫敦奧運，倫敦球會首奪歐聯。放心，英格蘭肯定贏不了歐國盃。