本周日遮打杯，W買信利多。自打比幾乎俾佢篤爆條死Q，已一直等佢跑今場，母線長力足，QQP搭加州萬里已足，搏威爾頓馬疲、路太長收檔。

多得摩連奴夠公道，雙殺曼城之後再雙殺利物浦，令曼城順利再奪英超，這隊波季尾輸給利記，主場僅和新特蘭，完全是垃圾，小弟有錢收確實僥倖。下季應輪到車仔吧？

馬體會贏西甲，可喜可賀，首都雙雄今年威盡，肯定包辦西甲、歐聯，但真的無法想像是由馬體會包辦二者。既然曼城之注碼回籠，輸得起，歐聯都唔使買皇馬對家對沖了，等睇皇馬奪冠可也。但仍會小注馬體會受讓+1，搏皇馬加時才贏，收兩注兼睇加時汁都撈埋。就算要互射點球，都係信卡斯拿斯啦。

世界盃，無隊鍾意，無隊想睇，但日本小組首名、葡萄牙奪世盃，賠率都大超值，搏得過，葡萄牙起碼有個當今球王列陣。